तूफान अऊ ओलावृष्टि ले प्रभावित ग्रामीण मन ल मिलही क्षतिपूर्ति, मंत्री भगत ह क्षतिपूर्ति आकलन बर दिस कलेक्टर मन ल निर्देश

जय जोहार…. सरगुजा अऊ जशपुर जिला के तूफान अऊ ओलावृष्टि ले प्रभावित ग्रामीण मन ल क्षतिपूर्ति दे के निर्णय ले गे हे। ए संबंध म खाद्य अऊ नागरिक आपूर्ति मंत्री ह संबंधित जिला कलेक्टर ले बात कर के ओ मन ल ओलावृष्टि ले हुए नुकसान के आकलन करे के निर्देश दे हे।

बता देन कि पिछले दिनों सरलघा तूफान अऊ ओलावृष्टि ले ग्रामीण जनजीवन म बुरा असर पड़े हे। खेतों म खड़ी फसल ह खराब हो गे हे अऊ घर के छप्पर तक उड़ गिस। ये खबर मिले म खाद्य मंत्री भगत ह तुरंत जिला प्रशासन ले बात कर के परिस्थिति के जायजा ले रहिस। एमा जेखर घर के छत उड़ गे रहिस। ओखर सहायता ल प्राथमिकता ले करे जाही। सीतापुर विधानसभा क्षेत्र म लगभग 500 ले अदिक किसान ओलावृष्टि ले प्रभावित होय हे। जेखर खेतों के फसल ह नष्ट हो चुके हे।