mahasamund : मरार समाज के सामाजिकजन ह करीन संसदीय सचिव ले मुलाकात, द्वारिकाधीश यादव ह मरार समाज ल सामुदायिक भवन के दीन हे सौगात
जय जोहार । (mahasamund ) मरार (पटेल) समाज के पदाधिकारी मन ह खल्लारी विधानसभा के विधायक अउ संसदीय सचिव द्वारिकाधीश यादव ले सौजन्य मुलाकात करीन।
ए दउरान वो हा आने आने बिसय म चर्चा करीन । जेमा समाज म चलाये जावत अभियान बेटी के शिक्षा अनिवार्य, समाज म नशापान मुक्ति ,समाजिक कुरीति ल दूर करे ल सामिल हे।
संगेसंग समाजिक समरसता ल बेहतर बनाय,समाजिक कारीकरम ल संचालित करे बर संसदीय सचिव यादव ले सामुदायिक भवन के आवश्यकता के बारे न बताइन । जेमा संसदीय सचिव द्वारिकाधीश यादव ह मरार समाज सामुदायिक भवन बर 6 लाख रुपिया स्वीकृत करे के आश्वासन दीन ।
ए अवसर म समाज के संरक्षक मनहरण लाल पटेल, अध्यक्ष गैंदलाल पटेल, कार्यकारी अध्यक्ष भेखलाल पटेल सलाहकार रूपलाल पटेल,कन्हैया पटेल, सचिव भुषण पटेल, कोषाध्यक्ष भेखराम पटेल, किसन पटेल उपाध्यक्ष, कमल पटेल कार्यकारी सदस्य, थानेश्वर पटेल कर्मचारी प्रकोष्ठ अध्यक्ष अउ सुरेश पटेल रैताल उपस्थित रिहीन ।
