धामेजानी के होईस सम्मान , कई साल ले देवत हे पेंटिंग अऊ मूर्तिकला ल नवा आयाम

जय जोहार रायपुर… विनोद धामेजानी शहर के अईसे नाम हे जेन ल कलाकारी के नाम ले जाने जाथे , कई साल ले विनोद ह पेंटिंग अऊ मूर्तिकला म काम करत हे, ओखर द्वारा बनाय गे मूर्ति ,पेंटिंग अऊ आर्च मन शहर म देखे जा सकथे, अभी विनोद ल शहर के दू विधायक मन सम्मानित करिस , मौक़ा रिहिस पंजाबी सनातन सभा के कार्यक्रम म लाला लाजपत राय के मूर्ति अनावरण के,

ये मूर्ति ल विनोद ह बनाय हे, विनोद के ये काम म ऊंखर धर्म पत्नी स्वाती पांडा ह बराबर साथ देथे, विनोद ह कुछ महीना पहिले रेती के गणेश जी बना के सबके ध्यान अपन कोति खींचे म सफल होय रिहिस, सम्मान पा के विनोद ह किहिस कि एक कलाकार ल सम्मान ले बड के अऊ का चाहिए , विधायक मन घलो ओखर कलाकारी के तारीफ़ करीन, विनोद ये काम के संगे संग छत्तीसगढ़ी सिनेमा म घलो सक्रीय हे.