रेल पटरी चोरी मामला म दो दिन के रिमांड म भेजे गिस आरोपी विनोद मराठा, मध्यप्रदेश ले धर के लाए हे पुलिस

जय जोहार रायपुर… रेलवे पटरी समेत कई सामान चोरी के आरोपी विनोद मराठा ल दो दिन के पुलिस रिमांड म भेजे गिस हे। कोर्ट ले निकलतेच आरोपी ह मीडिया के सामने पुलिस ल चैलेंज करते हुए कहिन कि विनोद मराठा ल पकड़े बर ले केस सॉल्व नई होही। जेन बड़े मछली हे, वो मन ल पकड़े बर चाही। आरोपी ह कहिन कि फैक्ट्री मालिक ल पकड़ो, मोर मालिक मन ले कोनो मुलाकात नई होए रहिस। रूचिर मिश्रा एक छोटा ले मेडिएटर हे। जेखर जरिए पटरी के सौदा करे रहिन हे।

एएसपी तारकेश्वर पटेल ह बताइन कि विनोद मराठा ल मंदिर हसौद म रेलवे पटरी चोरी के मामला म गिरफ्तार करे गे रहिस। वो ला न्यायालय म पेश करे गिस, जिहा ले दो दिन के पुलिस रिमांड मिलिस हे। एखर अलावा रूचिर मिश्रा ल गिरफ्तार करे गे हे। ओला भी ज्यूडिशियल रिमांड म भेजे जात हे।

एएसपी  ह कहिन कि रूचिर मिश्रा के इही केस म इन्वाल्वमेंट पता चले रहिस। ये आधार म वोला गिरफ्तार करे गिस। ओखर ले पूछताछ के आवश्यकता महूसस होइस। इसलिए ओखर पुलिस रिमांड ले गे हे। अभी जांच जारी हे, पूछताछ म जेन बात मन सामने आही, वो आधार म कार्रवाई करे जाही।