Chhattisgarhi actor विशाल पाटले ह राजिस्थानी फिलिम म आही नजर, फिलिम के नाव हे लव यू म्हारी जान
जय जोहार…. (Chhattisgarhi actor) छत्तीसगढ़ी अभिनेता विशाल पाटले ह अब राजिस्थानी फिलिम म नजर आही। ए फिलिम के नाव लव यू म्हारी जान हे, जेमा ओ हा खलनायक के किरदार ल निभाये हे। बता देन कि विशाल पाटले ह प्रोफेशनल मार्सल आर्टिस्ट हे, जेला कराटे म ब्लैक बेल्ट मिल चुके हे।
(Chhattisgarhi actor) अभिनेता विशाल पाटले ह बताईस कि मेहा अभिनय के सुरुआत ल तीन साल पहिले ही करे हंव, मेहा अभिनय के क्षेत्र म एक्टर अंशुल अवस्थी ल गुरु मानत हों, क्योंकि ओ हा जतना सीखे हे, ओ हा अंशुल ले सीखे हे।
वो हा बताईस कि ओ हा भिलाई म रह के नुक्कड़ नाटक घलो कर चुके हे। संगेसंग छ्त्तीसगढ़ी फिलिम म घलो काम कर चुके हे। अब ओला राजिस्थानी फिलिम म घलो काम करे के मउका मिले हे।
(Chhattisgarhi actor) वो हा बताईस कि राजिस्थानी फिलिम लव यू म्हारी जान म एक्टर अंशुल अवस्थी, लक्षित झांझी, एक्टर अंकित भारद्वाज, फ़िल्म डायरेक्टर मनोज कुमार पांडेय, कैमरामैन सिद्धार्थ सिंह ह अभिनय करे हे, जेखर ले बड़ अकन सीखे ल मिले हे। ओ हा अभिनय के संगसंग एक्शन डायरेक्टर घलो बनना चाहत हे, जेखर बर फिलिम एक्टशन कोर्स घलो कर चुके हे।
