व्यापम ह आवेदन बर बढ़ा दिस तारीख, बीएड-डीएड अऊ इंजीनियरिंग के प्रवेश परीक्षा बर आवेदन के नवा तारीख के ऐलान

जय जोहार रायपुर…. कोरोना ह पूरा देश के टाइम टेबल ल बिगाड़ दे हे। परीक्षा ह रद्द हे, क्लास ह बंद हे अऊ परीक्षार्थी ह नवा तारीख के इंतजार करत हे। छत्तीसगढ़ व्यावसायिक परीक्षा मंडल ह घलो प्रवेश परीक्षा बर आवेदन के तारीख ल बढ़ा दे हे। पीईटी ले लेके बीएड अऊ डीएड तक के परीक्षा बर आवेदन अब नवा तारीख ले भरे जाही। पीईटी बर आवेदन अब तीन मई तक करे जा सकत हे।

ऊहीं तरह ले फार्मेसी बर आवेदन घलो तीन मई तक बर बढ़ा दे गे हे। पीएटी, पीपीटी, बीएड अऊ डीएड बर घलो आवेदन के तारीख ल बढ़ाए गे हे। हालांकि परीक्षा के तारीख के अभी ऐलान नई करे गे हे।