छत्तीसगढ़ के कई जिला म भारी बरसा के चेतावनी, द्रोणिका के असर पूरा प्रदेस म दिखही

रायपुर। छत्तीसगढ़ के कुछ जिला मन म भारी ले बहुत भारी बरसा होय के अनुमान हे। मौसम विभाग हा म अवइया 48 घंटा के पूर्वानुमान जारी करे रिहिस, जेकर अनुसार धमतरी, महासमुंद, गरियाबंद, कांकेर के 12 स्थान म बहुत भारी बरसा अउ बिलासपुर, मुंगेली, जांजगीर, बलौदा बाजार, बेमेतरा, कबीरधाम, बस्तर, कोंडागांव, नारायणपुर म भारी बरसा के चेतावनी जारी करे हे।

रायपुर म भी असर रही। सनिवार के पूरा प्रदेस म अच्छा बरसा होईस। इतवार अउ सोमवार के कई जगा जोरदार बारिश होय के अनुमान हे।

मौसम विज्ञान केंद्र लालपुर के वैज्ञानिक के मुताबिक एक द्रोणिका सक्रिय हे, जेकर प्रभाव पूरा प्रदेस म दिखही, कहूं कम दिखही त कहूं जादा। अगस्त के सिर्फ 7 दिन बचे हे, सितंबर म घलो 200 से 250 मिमी के करीब बरसा होथे। 12 अक्टूबर तक मानसून के वापसी हो जाथे।