राज्य के 10 जिला म भारी बरसा के चेतावनी, मौसम विभाग ह जारी करिन रेड अलर्ट

रायपुर। मौसम विभाग ह छत्तीसगढ़ के 10 जिला म भारी पानी गिरही कहिके संभावना जतात हे। कोनो-कोनो जगह गरज अउ चमक के साथ हल्की बारिश घलो होही। विभाग ह अवईया 48 घंटा बर रेड अलर्ट घलो जारी करे हे।

मौसम विभाग ह बस्तर संभाग के कुछ जगह म भारी बरसा के संभावना जताए हे अउ नदिया के तीर म बसे गांव वाले मन बर अलर्ट जारी करे हे। कांकेर, नारायणपुर, कोण्डागांव, बस्तर, बीजापुर, दंतेवाड़ा, बालोद, धमतरी, गरियाबंद अउ सुकमा जिला म अवईया 48 घ्रंटा म गरज-चमक के संग मध्यम ले भारी बरसा बताए हे।

एखर अलावा रायगढ़, जांजगीर-चांपा, बिलासपुर,  बलौदाबाजार, राजनांदगांव, रायपुर, अउ महासमुंद जिला म एक-दू स्थान म भारी बरसा के चेतावनी दे हे।