सिस्टम ह पड़ गे कमजोर.. अब बारिश के संभावना नई हे

रायपुर. बीतईया 24 घंटा म रायगढ़ जिला के लैलुंगा म 11 सेमी बारिश होए हे। उहें सरगुजा के वाड्रफनगर म 7 सेमी पानी गिरे हे। बुधवार अऊ बृहस्पत के रिकार्ड म नजर डालबो त प्रदेश म बस दूनों जगह बारिश होए हे। उहें बाकी छिटपुट हल्का अऊ मध्यम बारिश होए हे।

मौसम विभाग ह कहत हे कि अवईया 24 घंटा म राज्य म हल्का अऊ मध्यम बारिश होए के संभावना हे। भारी बारिश के संभावना फिलहाल नई बनत हे। उत्तरी मध्यप्रदेश अऊ लगे हुए दक्षिण-पश्चिम उत्तप्रदेश के आसपास कम दबाव के क्षेत्र बने हे। राजस्थान ले मध्यप्रदेश बोक एर द्रोणिका बंगाल के खाड़ी म बने हे। एखरे प्रभाव ले समुद्र ले नमी आवत हे।

बुधवार के रात राज्य के कई हिस्सा म एखरे सती पानी गिरे रिहिस। मौसम विज्ञानी मन कहत हे कि अवईया 24 घंटा बर बारिश के कोई चेतावनी नई हे। फेर नमी के सती कुछ कुछ जगह म हल्का अऊ मध्यम बारिश हो सकत हे। बता देन कि प्रदेश में अब तक सामान्य ले 6 फीसदी ज्यादा पानी गिरे हे। 1 जून ले 12 सितंबर तक इहां औसत बारिश 1099.3 मिमी होए हे। फेर ए दउरान के औसत 1044.1 मिमी हे।