जय जोहार…. धमतरी जिला म कोरोना (corona) के संपर्क म आय 17 मरीज मन के स्वाब सैम्पल ल जांच बर भेजे गे रहिस। सब्बो रिपोर्ट ह निगेटिव आय हे। एखर बाद प्रशासन ह राहत के सांस ले हे। गौरतलब हे कि 25 मई के शाम रायपुर ले जेन रिपोर्ट ह आय रहिस। ओमा दू महिला मन ल कोरोना (corona) संक्रमित पाय गे रहिस।
एखर बाद ल शहर म हड़कंप मच गे रहिस। पूरा तैयारी के संग दुनो महिला मन ल रायपुर के माना अऊ एम्स म शिफ्ट करे गिस। उसी रात स्वास्थ्य विभाग के तरफ ले डॉक्टर दंपति समेत 17 लोगन मन के सैम्पल ले गे रहिस, जेला जांच बर भेजे गे रहिस। वो सब्बो ह निगेटिव मिले हे।
स्वास्थ्य विभाग ह सरलघा अस्पताल (corona) के संपर्क म आय मरीज, स्वास्थ्य कर्मी मन के जांच करत रहिस अऊ कुछु लोगन मन ल होम आइसोलेशन म घलो भेज दे गे रहिस। पुराना संक्रमित मरीज मिले के बाद 5 वार्ड ल कंटेनमेंट घोसित घलो करे गे हे, जिहां ले लोगन मन के आय जाय ल पूरा बंद कर दे गे हे। शहर बर ए बड़ अकन बड़का राहत के खबर लोगन मन ल मिले हे। बुधवार के देर शाम 17 सैम्पल के रिपोर्ट प्राप्त होय हे। जेमा डॉक्टर दंपति समेत आन स्टाफ अऊ परिजन मन के सब्बो रिपोर्ट ह निगेटिव मिले हे।
