जब कलेक्टर सपत्नीक करिस मतदान अऊ लिस सेल्फी , लोगन मन म आगे मतदान ल ले के उत्साह

जय जोहार मुंगेली नवनीत शुक्ला….. राज्य म त्रिस्तरीय पंचायत के चुनाव माढ़े हे अऊ आज ले प्रथम चरण के मतदान घलो होवत हे , अइसे में शासकीय अधिकारी मन लाइन लगा के अगर मतदान करहि त खुदे सब्बो म जागरूकता आने लाजिमी हे ,

हमन बात करत हन मुंगेली के इन्हा कलेक्टर साहब ह सपत्नीक वोट करिस अऊ सेल्फी ज़ोन म सेल्फी घलो लिस, बता दन कि कलेक्टर सर्वेश्वर नरेंद्र भूरे अभी जिला के निर्वाचन अधिकारी घलो हे लेकिन अपन दबदबा भुला के ओमन ह आम मतदाता जइसे वोट करे बर लाइन लगाइस.