मजदूर, छात्र अऊ बाहर फंसे मजबूर यात्री ह टिकट के पैसा कहां ले लाही – शैलेश नितिन त्रिवेदी
जय जोहार…. मजदूर, छात्र अऊ छ्त्तीसगढ़ के बाहर फंसे यात्री मन बर स्पेशल ट्रेन चलाय जाने के कांग्रेस ह स्वागत करे हे। प्रदेश कांग्रेस संचार विभाग के अध्यक्ष शैलेश नितिन त्रिवेदी ह यात्री मन के टिकट के पैसा ल पीएम केयर फंड ले दे जाने के मांग करे हे। विशेष ट्रेन चलाय जाने के गृह मंत्रालय के आदेश म ए केहे गे हे कि यात्री मन ल टिकट लेना होही।
वो हा कहिन कि मार्च ले बाहर के प्रदेश म लॉकडाउन म फंसे प्रवासी मजदूर मन के पास राशन, खाने अऊ दैनिक जीवन म उपयोगी वस्तु बर पैसा नई हे। वो टिकट के पैसा कहां ले लाही। छात्र अऊ फंसे यात्री मन ले घलो ये अपेक्षा नई करे जाना चाही कि वे अब टिकट का पैसा दे।
वो हा कहिन कि लॉकडाउन के चलत कई राज्य म आर्थिक गतिविधि नई होय के चलत राज्य सरकार मन के स्थिति जर्जर हे। राज्य सरकार ह टिकट के खर्च वहन करे के स्थिति म नई हे। वो हा कहिन कि हजारों करोड़ रूपिया पीएम केयर फंड म जमा होइस हे। प्रधानमंत्री मोदी ल अब पीएम केयर फंड ले मजदूर, छात्र अऊ मजबूरी म बाहर फंसे यात्री मन के केयर करना चाही।
