झीरम के जांच ले भाजपा ह काबर डरत हे -शैलेश नितिन त्रिवेदी

जय जोहार…. भाजपा के जिला उपाध्यक्ष अऊ पूर्व विधायक के पुत्र जगत पुजारी के विगत 10 वर्ष ले माओवादी मन ल सप्लाई पहुंचाय के खुलासा म कांग्रेस ह प्रतिक्रिया व्यक्त करे है।

प्रदेश कांग्रेस के संचार विभाग प्रमुख शैलेश नितिन त्रिवेदी ह कहिन कि अब स्पस्ट हो गे हे कि झीरम के साजिश के जांच ले भाजपा ह काबर डरत हे। माओवादी मन के मददगार भाजपा के जिला उपाध्यक्ष अऊ पूर्व विधायक के पुत्र जगत पुजारी के गिरफ्तारी ह सिरिफ सिर्फ उस आग के धुंआ मात्र है, जेन 15 वर्ष के भाजपा शासनकाल म सुलगत रहिस।
प्रदेश कांग्रेस के संचार विभाग प्रमुख शैलेश नितिन त्रिवेदी ह कहिन कि भाजपा के जिला उपाध्यक्ष अऊ पूर्व विधायक के पुत्र के माओवादी मन के मददगार के रूप म 10 साल ले काम करे के घटना ह उजागर होय ले स्पस्ट हो गे हे कि भाजपा के रमन सिंह सरकार के 15 साल के शासनकाल म माओवाद कईसे, काबर, अऊ किस के मदद ले फले-फूलिस? 2003 में जब भाजपा के रमन सिंह सरकार ह शासन ल संभाले रहिस, वो समय दक्षिण बस्तर के 3 ब्लाक तक सीमित माओवाद ह भाजपा के 15 साल के शासनकाल में बढ़त-बढ़त प्रदेश के 14 जिला ल अपन गिरफ्त म ले लिस।

भाजपा के भ्रष्टाचार, कमीशन खोरी अऊ कुशासन ल माओवाद के विस्तार ह बड़ अकन सूट करत रहिस। 15 साल तक दिखावा बर माओवाद के विरोध अऊ अंदर- अंदर माओवाद के सहयोग अब पूरा तरह ले बेनकाब हो गे हे।