जय जोहार…. मुख्यमंत्री भूपेश बघेल ह इतवार के अपने निवास कार्यालय म बस्तर, धमतरी, महासमुंद, कांकेर अऊ बालोद के उद्योगपति और व्यापारी मन ले चर्चा करिन। ए अवसर म मुख्यमंत्री बघेल ह कहिन कि प्रदेश सरकार ह लघु वनोपज अऊ वनौषधि म वेल्यू एडीशन करइया उद्योग मन ल हरसंभव मदद देही। वेल्यू एडीशन ले न केवल वनवासी मन ल लाभ होही, अपितु उद्योगपति अऊ व्यवसायी मन ल घलो फायदा होही।
मुख्यमंत्री बघेल ह कहिन कि छत्तीसगढ़ के जियादातर उद्योगपति अऊ व्यापारी ह वर्तमान म लघु वनोपज के खरीदी कर के बड़का कंपनी ल सप्लाई करत हे। यदि वे वनोपज के वेल्यू एडीशन करे, त एखर ले स्थानीय लोगन मन ल रोजगार मिलही। ऊहचे व्यापारी मन ल घलो लाभ होही अऊ राज्य सरकार के राजस्व म बढोतरी होही। सीएम बघेल ह कहिन कि वेल्यू एडीशन बर आगू अवइया उद्योपति अऊ व्यापारी मन ल कोनाे अड़चन आवत हे, ते ओला दूर करे बर राज्य सरकार ह पूरा संवेदनशीलता के संग मदद करही।
No Comment! Be the first one.