झीरम हमले म शहीद के परिवार जन मन के पीड़ा ल सरोज पांडेय ह काबर नई समझत हे – शैलेश नितिन त्रिवेदी
जय जोहार…. भाजपा नेता सरोज पांडेय के झीरम मामले म बयान म दुख अऊ पीड़ा व्यक्त करत हुये प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि महिलायें त ममता के मूर्ति होवत हे।
सरोज पांडेय ह एक महिला होय के बावजूद कभी झीरम के शहीद के परिवार जन मन के पीड़ा ल काबर नई समझे हे। सरोज पांडेय के केन्द्र सरकार म बइठे लोगन मन ले अच्छा संबंध हे। सरोज पांडेय ह छत्तीसगढ़ के बड़का नेता होय के बावजूद कभी घलो झीरम के आपराधिक राजनैतिक षड़यंत्र के जांच बर प्रयास काबर नई करिन।
झीरम म बयान दे के बाद सरोज पांडेय ल पूरा जिम्मेदारी ले बताना चाही कि आत्मसमर्पित माओवादी नेता गुंडाधुर ले एनआईए ह झीरम के साजिस म पूछताछ ल काबर नई करे हे। रमन्ना अऊ गणपति के नाम ह एनआईए के पहिली चार्जशीट म रिहिस।
फाइनल चार्ज म काबर अऊ किसके कहने म हटा दे गिस। देश के सबले बड़का अऊ घातक नक्सली हमले म नक्सली मन के शीर्ष नेता मन ल बरी कर दे गिस अऊ दंडकारण्य अंचल के नक्सली नेता मन ल ही आरोपी बनाय गिस।
जबकि कोनो घलो साजिस ह शीर्ष नेता मन के सहमति, अनुमति अऊ भागीदारी के बिना संभव ही नई होवत। साजिस करइया के जांच, गिरफ्तारी अऊ पूछताछ के बजाय ओखर नाम हटा के केंद्र सरकार के एजेंसी एनआईए ह का संदेस दे हे। गूढ़ राजनीति ल समझइया अऊ करइया सरोज पांडेय ह ए बात ल नई समझत हे, अइसे बात नई हे।
