ए संकट के घड़ी म केंद्र सरकार के प्राथमिकता म 50 बैंक घोटाला बाज मन के 68 हजार करोड़ माफ करना ही का- शैलेश नितिन त्रिवेदी
जय जोहार…. कांग्रेस संचार विभाग के अध्यक्ष शैलेश नितिन त्रिवेदी ह कहिन कि कोरोना महामारी ल लेके प्रधानमंत्री नरेंद्र मोदी के सबो राज्य के मुख्यमंत्री मन ले होइस बातचीत म राज्यों ने कोरोना ले निपटे बर एक लाख करोड़ रूपिया के राशि के मांग करे हे। न त राज्य मन ल अभी तक ये राशि दे गे हे अऊ न ही एला दे जाए के बारे मे मोदी सरकार ह अभी तक कोनो बात केहे हे। वो हा कहिन कि 50 बैंक घोटाला बाज मन के 68000 करोड़ रूपिया नई राइट ऑफ करे जाते त कम ले कम राज्य मन ल जरूरत के राशि के एक बड़ा हिस्सा एखर ले पूरा करे जा सकत रहिस।
केंद्र सरकार के पास 113 लाख सरकारी कर्मचारी, सैनिक अऊ पेंशनर मन के महंगाई भत्ते के राशि दे बर 38 हजार करोड़ नई हे, लेकिन 50 बैंक डिफाल्टर घोटाला बाज मन के ऋण के राशि ल राइट ऑफ करे बर 68 हजार करोड़ रूपिया के प्रावधान करे गे हे। कांग्रेस संचार विभाग के अध्यक्ष शैलेश नितिन त्रिवेदी ह कहिन कि सरकारी अऊ निजी क्षेत्र म नौकरी करइया छोटे-छोटे दुकानदार, व्यवसायी, गरीब, मजदूर, किसान ल मदद करना जरूरी हे। देश के राज्य कोरोना ले लड़े बर केंद्र सरकार ले एक लाख करोड़ के आर्थिक मदद मांगत हे। कोरोना ले लड़े बर लोग अऊ राज्य मन बर राशि के व्यवस्था के बजाय मोदी सरकार के प्राथमिकता ए 50 घोटाला बाज मन के 68 हजार करोड़ के ऋणमाफी ही का हे अऊ कईसे हे ये भाजपा के केंद्र सरकार ल बताना चाही।
वो हा कहिन कि जेन 50 लोग मन के लोन माफ करे गे हे, ते एला माफ करे के कारण का हे अऊ ए लोग मन के संग भाजपा के का संबंध हे। एखर कोनो खुलासा न सरकार ह करे हे अऊ न ही रिजर्व बैंक ऑफ इंडिया करे हे।
