तीजन के जल्द स्वास्थ्य लाभ बर कामना करिन मुख्यमंत्री ह

रायपुर। मुख्यमंत्री रमन सिंह ह छत्तीसगढ़ के प्रसिद्ध पंडवानी गायिका तीजन बाई के जल्द स्वास्थ्य लाभ बर कामना करिन हे। उमन ह शनिवार के संझा तीजन बाई के अस्वस्थ होय के जानकारी मिले के बाद उंखर ले टेलीफोन म बातचीत करिन।
फोन म होय बातचीत म उमन ह विस्वास दिलाइस कि उंखर बेहतर ले बेहतर इलाज करवाय जाही। सरकार हर कदम म उंखर संग खड़े हवय। बता दन कि पद्मश्री अउ पद्मभूसन अलंकरन ले सम्मानित तीजन बाई ल हृदयाघात के इलाज बर भिलाई नगर स्थित सेक्टर-9 के अस्पताल म भर्ती कराय गेहे।
मुख्यमंत्री ह दुर्ग जिला प्रसासन ल, भिलाई सेक्टर-9 अस्पताल के डॉक्टर मन ल अउ सबो संबंधित अधिकारी मन ल तीजन बाई के स्वास्थ्य अउ उंखर इलाज के पूरा धियान रखे के निर्देस दिस हे।