जय जोहार। (chhattisgarh ) सीएम भूपेश बघेल ह चक दे इंडिया के नारे के संग हाकी विश्व कप के ट्राफी उठाइन अउ भारत ल विश्व विजेता बनने बर सुभकामना दीन हे। हॉकी वर्ल्ड ट्रॉफी ह आज छत्तीसगढ़ पहुंचीन हे । राजधानी रायपुर म सीएम भूपेश बघेल ह ट्रॉफी के अनावरण करीन ।
हॉकी वर्ल्ड कप के ट्रॉफी ल हॉकी इंडिया नई दिल्ली डहार ले देस के 16 राज्य म भ्रमण कराए जात हे । अंतिम पड़ाव म ये छत्तीसगढ़ के राजधानी रायपुर पहुंचे हे।। गौरतलब हे कि ओडिशा म 13 से 29 जनवरी 2023 तक एफआईएच ओडिशा मेन्स वर्ल्ड कप आयोजित करे जात हे । ये प्रतियोगिता भुवनेश्वर अउ राउरकेला म संपन्न होही।
हॉकी वर्ल्ड ट्रॉफी रायपुर पहुंचे म मुख्यमंत्री निवास कार्यालय म ए ट्रॉफी के स्वागत बर कार्यक्रम के आयोजन करे गीन। सीएम भूपेश बघेल के मुख्य आतिथ्य अउ खेल मंत्री उमेश पटेल के अध्यक्षता म ए कार्यक्रम के आयोजन करे गीन ।
मुख्यमंत्री निवास म आयोजित मुख्य कार्यक्रम म मुख्यमंत्री श्री बघेल ह हॉकी वर्ल्ड ट्रॉफी के अनावरण करीन । ए दउरान हाकी म विसे स योगदान देवइया छत्तीसगढ़ के अंतर्राष्ट्रीय खिलाड़ी ल मुख्यमंत्री ह सम्मानित करीन ।
Other Articles
CM Bhupesh Baghel ह प्रदेस वासी मन ल ‘क्रिसमस‘ तिहार के दीन बधाई
No Comment! Be the first one.