जय जोहार…. (chhattisgarh) प्रदेस कांग्रेस अध्यक्ष मोहन मरकाम ह किहीन कि जेन छत्तीसगढ़ म भाजपा के राज म महिला अउ लईका मन असुरक्षित रिहीन। प्रदेस म झलियामारी जइसे दुराचार के घटना होत रिहीन । हरेक दिन तीन बलात्कार अउ हर दूसरइया दिन एक सामूहिक बलात्कार के घटना होत रिहीन । कांग्रेस के राज म ओमा कमी आय हे । आज महिला, लईका सहित पूरा छत्तीसगढ़ ह भय मुक्त हो गेहे ।
एनसीआरबी डहार ले जारी आंकड़ा ले स्पष्ट हो गेहे कि छत्तीसगढ़ (chhattisgarh) म अपराध म कमी आय हे । महिला अउ लईका मन के सुरक्षा ल लेके भूपेश सरकार ह बेहद संवेदनशील है, जेखर सेती प्रदेस म महिला अउ लईका मन के विरुद्ध हुये अपराध दर म सुखद गिरावट आय हे । एनसीआरबी के आंकड़ा के अनुसार लईका मन के विरुद्ध हुये अपराध म 17 प्रतिशत अउ महिला मन के विरुद्ध हुये अपराध म 10 प्रतिशत के कमी आय हे। प्रदेस म लूट, डकैती अउ हत्या के मामला म घलो कमी आय हे ।
प्रदेस कांग्रेस अध्यक्ष मोहन मरकाम ह किहीन कि (chhattisgarh) भूपेश सरकार के त्वरित अउ न्यायपूर्ण कार्यवाही के सेती (chhattisgarh) प्रदेस ह अपराध मुक्त होवत हे । महिला अउ लईका मन ले संबंधित हरेक सिकायत ल गंभीरता ले लेके छत्तीसगढ़ पुलिस ह त्वरित कार्यवाही करत हुये न्याय दिलाय के काम करत हे। पुलिस ह महिला अउ लइका मन के विरुद्ध होवइया अपराध के रोकथाम बर जागरूकता अभियान घलो चलावत हेम जेखर सेती मनखे मन के पुलिस के प्रति विश्वास घलो बढ़ा हे
