साय सरकार म महिला मन बनत हे सशक्त अउ आत्मनिर्भर, स्व सहायता समूह ले जुड़के नीतूबनिस लखपति दीदी

रायपुर। मुख्यमंत्री विष्णुदेव साय के सुशासन म महिला मन ल स्वरोजगार ले जोड़के ओमन ल सशक्त अउ आत्मनिर्भर बनाए बर केंद्र ह विभिन्न योजना के संचालन करत हे। ए योजना ले जुड़के महिला मन ह न सिर्फ अपन परिवार के सहारा बनत हे बल्कि दूसर महिला मन ल घलो रोजगार ले जोड़त हे। अइसने ही कहानी हे जशपुर जिला के बगीचा ब्लॉक के ग्राम झिक्की के रहइया नीतू गुप्ता के। जेन ह बिहान योजना ले जुड़के लखपति दीदी बन गे हे अउ सक्रिय महिला के रूप म काम करत हे।

नीतू गुप्ता मुद्रा लोन के माध्यम ले अपन व्यवसाय ल अउ बढ़ावत हे। सामान्य परिवार ले आवइया नीतू के सपना रिहीन कि वो घलो आत्मनिर्भर होके अपन परिवार के सहारा बन सकय। ए तरह ले अपन सपन ल पूरा करे बर वो बिहान योजना के तहत लक्ष्मी स्व सहायता समूह ले जुड़िन। नीतू ह बताइन कि ओखर एकठन नानकुन किराना के दुकान हे। जोखर ले वो बैंक लिंकेज के माध्यम ले मुद्रा लोन लेके व्यवसाय ल बढ़ात हे। एखर ले पहली ओ सक्रिय महिला के रूप म कार्य करत, लोगन मन ल जागरूक करत रिहीन। वो बताथे कि महिला मन ल समूह म जोड़त हे अउ लोगन मन ल लोन दिलाए के कार्य घलो करत हे।

पहली गांव के लोगन मन, दूसर लोग मन ले ही लोन लेत रहिन, जेखर ले ज्यादा ब्याज देना पड़त रहिन। अब बैंक लिकेज के माध्यम ले मुद्रा लोन लेय के समझाईश देत हे जेखर ले लोगन मन ल कम ब्याज दर म व्यवसाय बर पइसा मिलत जात हे। संगम वो सिलाई के काम घलो करत हे। नीतू गुप्ता ह व्यवसाय ल बढ़ाए बर मुद्रा लोन के माध्यम ले एक लाख रूपया के लोन लिन हे।

नीतू गुप्ता अपन पति सुनिल गुप्ता के संग खेती कार्य म घलो ओखर साथ देवत हे। 7 एकड़ म ओ टमाटर, खीरा, करेला लगाथे अउ माह म अच्छा आमदनी अर्जित करत हे। एखर ले वो बीता दु माह म 2 लाख 50 हजार कमाइ करके लखपति दीदी बनगे हे।