सनावल ल झारखंड से जोड़ने कन्हर नदी म तेजी ले चलत हे पुल का काम, 20 गांव के लोगन मन मिलही राहत
रायपुर। बलरामपुर-रामानुजगंज जिले के सनावल क्षेत्र ल झारखंड ले जोड़ बर कन्हर नदी म उच्च स्तरीय पुल के काम तेजी ले चलत हे। ए पुल के निर्माण ले 20 गांव के करीब 40 हजार आबादी स बड़का राहत मिलही। सनावल क्षेत्र के कतको गांव के लोगन रोजाना खरीदारी अउ इलाज बर नदी के ओ पार स्थित झारखंड के जिला मुख्यालय गढ़वा अउ प्रखंड मुख्यालय नगर उटारी अउ धुरकी जाथे। कन्हर नदी म ए पुल के शुरू होए ले सनावल क्षेत्र ले ए तीनों शहर के दूरी कम हो जाहि। क्षेत्रवासी मन ल बारहों महीना निर्बाध आवागमन के सुविधा मिलहि।
लोक निर्माण विभाग ह बलरामपुर-रामानुजगंज जिला के रामचंद्रपुर विकासखंड के धौली अउ झारखंड के गढ़वा जिला के धुरकी प्रखंड के बालचौरा के बीच कन्हर नदी म 15 करोड़ 20 लाख रुपया के लागत ले उच्च स्तरीय पुल के निर्माण करे जात हे। अभी 12 पियर अउ दु अबटमेंट में ले पांच पियर अउ एक अबटमेंट के काम पूरा कर लेय गे हे। शेष सात पियर अउ एक अबटमेंट म सब-स्ट्रक्चर के कार्य प्रगति म हे। अगला कुछ दिन म सुपर-स्ट्रक्चर के घलो काम पूरा कर लेय जाहि। 312 मीटर लंबाई अउ 8.4 मीटर चौड़ाई के ए पुल के करीब 50 प्रतिशत काम पूर्ण कर ले गे हे। उप मुख्यमंत्री अउ लोक निर्माण मंत्री अरुण साव ह अधिकारी मन ल निर्माण म पूर्ण गुणवत्ता सुनिश्चित करत समय-सीमा म काम पूरा करे के निर्देश देय हें। विभाग ह पुल के काम अगले साल जून तक पूरा करे के लक्ष्य रखे हे।
कन्हर नदी म छत्तीसगढ़ के धौली अउ झारखंड के बालचौरा गांव के बीच पुल के निर्माण ले वाड्रफनगर अउ रामचंद्रपुर तहसील के अनेक गांव सीधा झारखंड ले जुड़ जाहि। एखर से क्षेत्र म व्यापारिक-व्यावसायिक गतिविधी बढ़ने के संग खरीदारी, इलाज अउ विभिन्न कार्य ले रोजाना गढ़वा अउ नगर उटारी जावइया मन के सफर के दूरी आधा हो जाहि। अभी धौली ले सड़क मार्ग ले गढ़वा जाए बर करीब 100 किलोमीटर के दूरी तय करे बर पड़थे। पुल के शुरू होए के बाद ए दूरी घटके 55 किलोमीटर हो जाहि। सनावल क्षेत्र के लोगन ल अभी नगर उटारी जाए बर 70 किलोमीटर के रास्ता तय करना पड़थे। पुल बन जाए के बाद ए दूरी घटके आधा यानि 35 किलोमीटर हो जाहि। वाड्रफनगर क्षेत्र के लोग अभी रामानुजगंज अउ उत्तरप्रदेश होके झारखंड जाथे। कन्हर नदी म पुल के चालू हो जाए ले बहुत कम दूरी तय करके सीधा झारखंड पहुंच सकहि।
