छत्तीसगढ़ के श्रमिक मन बर मुंबई ले 20 मई के चलही श्रमिक विशेष ट्रेन, 1390 श्रमिक मन ह कराये हे पंजीयन

जय जोहार…. छत्तीसगढ़ के श्रमिक मन बर मुंबई ले 20 मई के श्रमिक विशेष ट्रेन ह रवाना होही। ये ट्रेन ह 21 मई के दुर्ग, रायपुर अऊ भाटापारा स्टेशन म रूकत हुये बिलासपुर पहुंचही।

नोडल अधिकारी सिद्धार्थ कोमल परदेशी ह महाराष्ट्र के नोडल अधिकारी ल पत्र लिखे हे। एमा ए ट्रेन म यात्रा करइया कोनो श्रमिक ले किराया या आन कोनो राशि नई लेने बर केहे हे। ट्रेन के जरिये घर वापसी बर 1390 श्रमिक मन ह पंजीयन कराये हे।