जय जोहार…. (chhattisgarh) लईका मन ल कुपोसण ले मुक्ति दिलाय के सरलग वैश्विक स्तर म कोसिस करे जावत हे। एमा वर्ल्ड बैंक घलो सरलग सहयोगी भूमिका ल निभावत हे। ए उद्देश्य ले विश्व बैंक के टीम ह सुपोसण अभियान के अध्ययन करे ल भारत के दू ठीन राज्य छत्तीसगढ़ अउ गुजरात ल चुने हे। एखर सेती सोमवार के वर्ल्ड बैंक के टीम ह दुर्ग जिला के पाटन ब्लाक के ग्राम कसही के दउरा करीन।
(chhattisgarh) इहां वो हा लइका अउ आंगनबाड़ी कार्यकर्ता, गर्भवती माता मन ले चर्चा करीन। टीम म वर्ल्ड बैंक के साउथ एशिया हेड ट्रिना अउ सीनियर हेल्थ स्पेशलिस्ट डॉ. दीपिका चौधरी सामिल रिहीन। श्रीमती ट्रिना ह किहीन कि हमन ह सर्वोत्तम पद्धति ल देस भर म लागू करे बर अनुसंसित करत हन। छत्तीसगढ़ म होवत अच्छा काम के हमन ह अपन रिपोर्ट में देही। जेखर ले इहां के नवाचार ल देस भर के लइका मन बर लागू करे जा सके।
जिला कारीकरम अधिकारी विपिन जैन ह बताइन कि (chhattisgarh) प्रदेस म मुख्यमंत्री सुपोसण अभियान चलाये जावत हे, जेखर अंतर्गत लईका मन के खुराक म बिसेस धियान दे जावत हे। लईका मन के पोसण ल सामुदायिक गतिविधि के हिस्सा बनाय गेहे अउ ए जिम्मेदारी म पूरा गाँव अपन सहभागिता करथे। ट्रिना ह छत्तीसगढ़ म चलाये जावत ए अभियान के प्रसंसा करीन।
No Comment! Be the first one.