लेखिका अरुंधती रॉय के ‘वॉकिंग विथ दि कॉमरेड्स’ की जांच सुरू

बस्तर उपर लिखे किताब म छपे कुछु सब्द मन अउ लेख मन म आपत्ति
रायपुर. मसहूर लेखिका अरुंधती रॉय के बस्तर के हालात पर लिखे गे किताब ‘वॉकिंग विथ दि कॉमरेड्स’ के जांच सुरू हो गिस हे. पुस्तक म छपे कुछु सब्द मन अउ लेख मन म आपत्ति जताय गे हे.

बता देवन, ये पुस्तर ल लेके राजेश सिसोदिया नामक व्यक्ति ह तीन साल पहिली बस्तर के तत्कालीन आईजी अउ एसपी ल सिकायत करे रिहिस हे. ये मामला म पुलिस ह दुबारा ले जांच के सुरूआत करिस हे अउ सिकायत करईया व्यक्ति राजेश सिसोदिया ल बयान बर नोटिस जारी कर बुलाय हे. राजेश ह सिकायत हे के, पुस्तक म कई अइसे वाक्य लिखे गे हे. जेखर ले प्रतीत होत हे के, ये बात मन देसद्रोह जइसे हे. अब पुलिस ह पुस्तक ल लोक अभियोजक अउ सरकारी वक़ील के तीर अध्ययन बर भेजे हे. गऊरतलब हे के ये पुस्तक अरुंधती रॉय ह अपन बस्तर दउरा म लिखे रिहिस हे.