हाँ में ह चीन गे रेहेंव… लेकिन छः साल पहिली, पार्टी के काम ले , ओ बात ल कांग्रेस आज काबर बोलत हे – सरोज पाण्डेय

जय जोहार रायपुर…  सीमा म चीन ले भारत के तना तनी चलत हे अऊ छत्तीसगढ़ म बीजेपी कांग्रेस एक दूसर ऊपर आरोप लगात हे , कांग्रेस ह बीजेपी के महासचिव सुश्री सरोज पाण्डेय के चीन दौरा के फोटो ऊपर टिपण्णी करत हुए पूछे हे कि ऊंखर चीन जाय के मंशा अऊ उद्देश्य का रिहिस ओला सार्वजनिक करना चाहिए ,

कांग्रेस के आरोप के हंसत हुए खंडन करिस सरोज पाण्डेय ह अऊ किहिस कि जेन फोटो ल देखा के कांग्रेस ह मंशा अऊ उद्देश्य पूछत हे वो फोटो छः साल जुन्ना हे अऊ ओला आज देखा के कांग्रेस घटिया राजनीति के परिचय देवत हे , सरोज ह आघू किहिस कि कांग्रेस म तो खुद चीन ले फंडिंग होय हे ओखर बारे में कांग्रेस कुछु काबर नई  बोलत हे, सरोज पाण्डेय ह स्पष्ट करे हे कि वो ह चीन भाजपा महिला मोर्चा के नेतृत्व करे बर गे रिहिस.