पेट्रोल-डीजल के दाम म वृद्धि ल ले के युकां ह करिन प्रदर्शन

जय जोहार…. पेट्रोल-डीजल के बाढ़त कीमत ल ले के युकां अध्यक्ष पूर्णचंद कोकोपाढ़ी के नेतृत्व म युकां कार्यकर्ता मन ह राजधानी रायपुर में आज प्रदर्शन करे हे। ए दौरान युंका कार्यकर्ता मन ह विरोध प्रदर्शन म केंद्र के मोदी सरकार के खिलाफ जमकर नारा लगाए हे।
ए अवसर पर युकां अध्यक्ष पूर्ण चंद कोकोपाढ़ी ह कहिन कि कोरोना काल म आम आदमी बर काफी मुसीबत आ गे हे। अइसे म पेट्रोल-डीजल के दाम म बेतहाशा वृद्धि ले मध्यम वर्गीय परिवार ल घर के खर्च चलाय म दिक्कत होवत हे। यदि अइसे सिलसिला चलत रही, त ह मन अवइया दिन म घलो प्रदर्शन ल जारी रखही। विरोध प्रदर्शन म कांग्रेस नेता सुबोध हरितवाल के आलावा आन पदाधिकारी अऊ कार्यकर्ता ह मौजूद रहिस।