ताजा समाचार

नक्सली मन के बड़े नेता अरविंद उर्फ देवकुमार सिंह के मउत …… पढव अउ समाचार

1 करोड़ 85 लाख के इनमी नक्सली अरविंद लंबा बेरा ले बीमार रिहिस हे

रायपुर। नक्सली मन के बड़े नेता, सेंट्रल कमेटी के सदस्य अरविंद उर्फ देवकुमार सिंह के मउत होगे । लगभग 1 करोड़ 85 लाख के इनमी नक्सली अरविंद लंबा बेरा ले बीमार चलत रिहिस। ओकर मउत के कारन हार्टअटैक बताए जात हे। अरविंद पाछु लगभग दू बछर ले झारखंड के बूढ़ा पहाड़ म रहत रिहीस हे। अरविंद के मउत ल नक्सली मन बर बड़े झटका माने जात हे।
अमित जोगी के जाति मामला म आगु के सुनवाई 6 अप्रैल के
मरवाही बिधायक अमित जोगी के जाति मामला म बुधवार के मरवाही के तत्कालीन तहसीलदार भास्कर सिंह मरकाम ल हाईकोर्ट के जस्टिस गौतम भादुड़ी के सिंगल बैंच म क्रॉस एग्जामिनेसन होए के रिहिस। फेर कोनो कारन ले तहसीलदार उपस्थित नइ हो सकिस। लिहाजा अब ये मामला म आगु के सुनवाई 6 अप्रैल के होही। आप मन ल बता दन कि मरवाही बिधानसभा ले अमित जोगी ह BJP प्रत्यासी समीरा पैंकरा ल हरा दे रिहिस। जेकर बाद समीरा ह अमित जोगी के जन्म स्थान अऊ जाति ल हाईकोर्ट म चुनौती देत हुए याचिका दायर करे रिहिस।
बिधानसभा अध्यक्ष गौरीशंकर अग्रवाल के जनसंपर्क यात्रा कोलिहा पहुंचिस
बलौदाबाजार म बिधानसभा अध्यक्ष गौरीशंकर अग्रवाल के जनसंपर्क यात्रा गुरुवार के कोलिहा पहुंचिस। इहां गांव के लोगन मन आंगनबाड़ी भवन अऊ सौर ऊर्जा ले चलइया बोर के मांग करिन, जेला बिधानसभा अध्यक्ष ह तुरतेच मंजूरी दे दिस। उहें ग्रामीन मन सरपंच उपर अवैध कब्जा करके मकान बनाए के आरोप लगाइन अऊ ज्ञापन सउपिन।
झिरिया गांव म लोक सुराज के सिविर
मुंगेली के सुदूर वनांचल क्षेत्र के झिरिया गांव म लोक सुराज के सिविर लगाए गिस, जेमा जिला के कलेक्टर, बिधायक सहित जम्मों सासकीय अधिकारी मउजूद रिहिन। बिधायक तोखन साहू ह बताइस कि 10 गांव के क्लस्टर तइयार करके ये सिविर के आयोजन करे गिस। ओहर कहिस कि बिपक्षी दल के नेता सिविर म पहुंच के हंगामा करत हे, अऊ जनता ल बरगलाए के कोसिस करत हे।

Related Articles

Leave a Reply

Your email address will not be published. Required fields are marked *

Close