ताजा समाचार

राजधानी म रिंग रोड 4 बनाए के तैयारी शुरू

राजधानी म यातायात दबाव ल कम करे बर नवा कोलकाता-मुंबई मार्ग बर कवायद

रायपुर । छत्तीसगढ़ के राजधानी म कोलकाता ले मुंबई मार्ग बर नवा इकोनॉमी कॉरिडोर (सड़क) मार्ग बनाए के तैयारी शुरू हो गेहे । एखर ले राजधानी म यातायात दबाव पूरी तरह ले कम हो जाही। ऐखर सेती रिंग रोड 4 के निर्माण के प्रक्रिया ल तेज कर दे गेहे। एती बर कलेक्टर ह सड़क के दूनों तरफ के 100 मीटर के दूरी म 56 गांव म जमीन खरीद बिक्री म पूरी तरह ले रोक लगा दे हे। बता दन कि ये पूरा प्रोजेक्ट 10 हजार करोड़ के हवय।
राजधानी के 56 गांव के बीच ले होके रिंग रोड 4 गुजरही। ए सड़क के लंबाई 410 किलोमीटर होही। लेकिन एमा 45 किलोमीटर तक सड़क रायपुर जिला ले होवत जाही । ये मार्ग ह अभनपुर ले पहिली जगदलपुर नेशनल हाईवे ल क्रॉस करत हुए खारुन नदी के दूसरा सिरा ले बाहर के ओर जाही। एती दुर्ग शहर के दक्षिण दिशा ले राजनांदगांव तक जाही। एखर बने ले लोगन अउ वाहन चालक मन ल यातायात के दबाव ले मुक्ति मिल ही। अउ सड़क हादसा ले भी छुटकारा मिल जाही।
रायपुर कलेक्टर ओपी चौधरी ह बताइस कि राजधानी के अभनपुर, परसदा, टेकारी, गिधवा, भिलाई, पारागांव समेत 56 गांव म सड़क के 100 मीटर के दूरी तक जमीन ल खरीदी बिक्री बर रोक लगा द गेहे। ताकि ए बखत कोनो ह कोई हेरा-फेरी न कर सकय। एती बर नवा सड़क म कार्य प्रारंभ करे ले पहिली अभनपुर आरंग तहसील म अधिसूचना जारी कर दे गेहे। खरीदी बिक्री के संग-संग बटांकन अउ डायवर्सन समेत जमीन के जम्मो कार्य मन म प्रतिबंध लगा दे गेहे।

Related Articles

Leave a Reply

Your email address will not be published. Required fields are marked *

Close