ताजा समाचार

काबर बनिस पेंड्रा राजनीति के अखाड़ा….पढ़व पूरा खबर

अपन सभा मन ल लेके कांग्रेस और जोगी कांग्रेस के सियासी हलचल तेज

बिलासपुर। कांग्रेस अउ जोगी कांग्रेस बर पेंड्रा ए बखत राजनीति के आखाड़ा बन गेहे। दरअसल, राहुल गांधी के छत्तीसगढ़ दउरा के दउरान पेंड्रा नगर पंचायत म होवइया सभा के घोषना के बाद छत्तीसगढ़ जनता कांग्रेस (जे) ह उही दिन सभा के घोषना करके राजनीतिक उथल पुथल मचा देहे। इहां दूनो पार्टी ह अपन सभा मन ल लेके सियासी हलचल तेज कर देहे। जोगी कांग्रेस ह सभा ल लेके गौरेला के रेस्ट हाउस म बइठक करिस तो उहे कांग्रेस के दिग्गज नेता मन घलो सभा बर जगह चुने म भीड़े रिहस हे।
दरअसल एक ओर जिहां 17 मई के पेंड्रा म कांग्रेस के राष्ट्रीय अध्यक्ष राहुल गांधी के सभा होवइया हे तो उहें दूसर ओर जनता कांग्रेस छत्तीसगढ़ सुप्रीमो के घलो पेंड्रा म आदिवासी किसान सम्मेलन होवइया हे राहुल गांधी के सभा बर सभा जगह के चयन करे बर कांग्रेस के नेता पूरव केंद्रीय मंत्री चरनदास महंत अउ प्रदेस कांग्रेस के कार्यकारी अध्यक्ष रामदयाल उईके पेंड्रा समेत कई कांग्रेसी मन क्षेत्र के दउरा म पहुंचिन अउ सभा बर मैदान मन के जायजा लिस ।
कांग्रेसी नेता मन ह गौरेला के गुरुकुल मैदान के सबले पहिलि देखिस। उखर बाद पेंड्रा के फिजिकल मैदान जेला जनता कांग्रेस छतीसगढ़ ह 3 दिन बर पहिलि ले कॉलेज प्रबंधन ले अनुमति ले लेहे। इही मैदान के कांग्रेसी मन ह जायजा लिस। येखर बाद कांग्रेसी दिग्गज मन ह कोटमी के मैदान मन ल घलो देखिस।
एती जनता कांग्रेस छत्तीसगढ़ के प्रदेश अध्यक्ष धरमजीत सिंह, विधायक सियाराम कौसिक, पूर्व विधायक देवव्रत सिंह, गुलाब सिंह समेत पार्टी के नेता मन के मवजूदगी म गौरेला रेस्टहाउस म बइठक ले गिस हे। जेमा 17 मई के पेंड्रा म आदिवासी सम्मेलन के तैयारी अउ जादा ले जादा भीड़ इक्कठा करे बर चरचा करे गिस ।
पेंड्रा म छत्तीसगढ़ जनता कांग्रेस के अपन सभा बर सासकीय महिला शारीरिक सिक्छा परसिक्षण महाविद्यालय के ग्राउंड के अनुमति घलो ले लीस हे, लेकिन कांग्रेस के सभा के जगह तय नइ करके ल लेके जोगी कांग्रेस तंज कसत हे । एती कांग्रेस ह छत्तीसगढ़ जनता कांग्रेस के ये बयानबाजी ल चरचा म बने रहे के कवायद बताइस हे । अउ राहुल गांधी के विस्तृत कार्यक्रम आए ले सभा स्थल के घलो आसानी ले चयन होये के दावा करत हे।

Related Articles

Leave a Reply

Your email address will not be published. Required fields are marked *

Close