बिलासपुर । भारतीय सेना ह अपन एक जवान के बेहतर इलाज बर ओला बिलासपुर ले लखनऊ ले जाए के पहल करिस। सेना ह हेलीकॉप्टर के मदद ले जवान ल बिलासपुर ले लखनऊ पहुंचवाइस। भारतीय सेना के जवान अर्जुन राणा 17 फरवरी के सड़क दुर्घटना म गंभीर रूप ले घायल हो गेहे रिहिस हे। घायल जवान राणा के 10 दिन ले बिलासपुर के निजी अस्पताल म उपचार कराए जात रिहिस हे। सेना ह गुरुवार के अपन जवान मन के महत्ता ल देखत हुए घायल जवान के बेहतर उपचार बर सेना के विशेष हेलीकॉप्टर ले लखनऊ ले जाए के पहल करिस हे। छुट्टी म घर आए भारतीय सेना के जवान अर्जुन राणा सड़क दुर्घटना म गंभीर रूप ले घायल होए के कारण भारतीय सेना ह बेहतर उपचार बर लखनऊ म जाने के पहल करिस हे।
दरअसल सेना के जवान अर्जुन राणा असम ले पुणे रनिंग कम्पीटिशन म हिस्सा लिस। ऐखर बाद छुट्टी लेके 1 फरवरी के रिस्तेदारी म होवइया कार्यक्रम म शरीक होए बर अपन गांव सेमरा आए रिहिस हे। जिहां 17 फरवरी के ज्योतिपुर चर्च के पास बैलगाड़ी ले टकरा जाए के कारण गंभीर रूप ले घायल होगे।
घायल जवान के उपचार बर बिलासपुर के निजी अस्पताल म दाखिल कराए गिस। जिहां उपचार जारी रहिस हे। सेना ह अपन जवान मन के महत्ता समझत हुए सेना के एक टीम उंखर स्वास्थ्य के जानकारी ले बर अस्पताल पहुंचिस। अउ बेहतर उपचार बर सेना ह विशेष हेलीकॉप्टर ले लखनऊ ले जाए के पहल करत घायल जवान ल बिलासपुर निजी अस्पताल ले लखनऊ ले गिस हे।
