जेल ले बाहिर आय बर तइयार हे भूपेश ह ….. संझोति बाहिर आ सकत हे

रायपुर । कथित सेक्स सीडी कांड म न्यायिक हिरासत म बर प्रदेस कांग्रेस अध्यक्छ भूपेश बघेल जमानत लेय बर राजी हो गगिस हे। येखर बाद कांग्रेस के ओर ले महामंत्री गिरीश देवांगन ह जमानत बर आवेदन लगाइस हे । उहें वकील मन के दल ह कोरट म जमानत के आवेदन पेस करिस। सीबीआई कोरट म जमानत के औपचारिकता मन ल पूरी करे के बाद संभवत: शाम तक जेल ले बाहिर आ सकत हे।
प्रदेस कांग्रेस के बड़ नेतामन ह जेल म भूपेश बघेल ले मुलाकात करिन। नेता प्रतिपक्ष टी एस सिंहदेव, सांसद ताम्रध्वज साहू, विधायक सत्य नारायण शर्मा अउ किरणमयी नायक समेत तमाम नेता मन ह जेल म बघेल ले मुलाकात करिन अउ जमानत लेय बर राजी करिन।
सिंहदेव ह का कहिन
भूपेश बघेल ले मिले के बाद नेता विपक्ष टी एस सिंहदेव ह कहिन के , ‘वो अब भी जेल ले बाहिर आय बर तइयार नइए, लेकिन हमन उंखर ले कहिन के पार्टी चाहत हे के वो ह बाहिर आय, आलाकमान के निरदेश हे के चुनाइ म धियान दें।’ सिंहदेव ह बताइस के उमन ह बघेल ले बाहिर आ के लड़ाई लड़े बर कहिस , जेमा वो तइयार होगे।