छत्तीसगढ़ संस्कृत विद्यामण्डलम् मुख्य परीक्षा 2026 के नतीजा घोषित: परीक्षा परिणाम 85.22 प्रतिशत रहीस
रायपुर. छत्तीसगढ़ संस्कृत विद्यामण्डलम्, रायपुर डाहर ले आयोजित मुख्य परीक्षा बछर 2026 के तहत कक्षा पूर्व मध्यमा प्रथम वर्ष ले उत्तर मध्यमा द्वितीय वर्ष (कक्षा 9वीं ले 12वीं) तक के परीक्षा परिणाम घोषित कर दिए गे हे। छत्तीसगढ़ सरकार के स्कूल शिक्षा मंत्री श्री गजेंद्र यादव ह सालाना परीक्षा परिणाम जारी करत हुए बताइन कि बछर 2026 में कुल 34 परीक्षा केंद्र बनाए गे रहीस, जेमा 1117 परीक्षार्थी मन शामिल होइन।
मण्डलम् के कुल औसत परीक्षा परिणाम 85.22 प्रतिशत रहीस। पूर्व मध्यमा द्वितीय (कक्षा 10वीं) में 682 परीक्षार्थी मन में ले 545 पास (उत्तीर्ण) होइन, 45 फेल (अनुत्तीर्ण) अउ 92 परीक्षार्थी मन ला पूरक (सप्लीमेंट्री) घोषित करे गिस, जेकर परिणाम 79.91 प्रतिशत रहीस।
एही रकस ले उत्तर मध्यमा द्वितीय वर्ष (कक्षा 12वीं) में कुल 435 परीक्षार्थी मन में ले 407 पास होइन, 15 फेल अउ 13 परीक्षार्थी पूरक रहीन। ए कक्षा के परिणाम 93.56 प्रतिशत दर्ज करे गिस।
ए मौका में कौशल विकास, तकनीकी शिक्षा अउ रोजगार विभाग के मंत्री गुरु खुशवंत साहेब अउ छत्तीसगढ़ संस्कृत विद्या मण्डलम् अउ शिक्षा विभाग के अधिकारी-कर्मचारी मन घलो उपस्थित रहिन। परीक्षार्थी मन अपन पूरा नतीजा विभाग के वेबसाइट में देख सकत हें।
