Home ताजा समाचार भाजपा प्रदेश अध्यक्ष के कुर्सी मिलही उही ल जे डॉक्टर सिंह के...

भाजपा प्रदेश अध्यक्ष के कुर्सी मिलही उही ल जे डॉक्टर सिंह के करीब हवय

172
0
भाजपा प्रदेश अध्यक्ष
प्रदेश अध्यक्ष पद बर पार्टी के पहिली पसंद पूर्व मुख्यमंत्री डॉ रमन सिंह ही माने जात हे

छत्तीसगढ़िया कार्ड चलिस त अजय अउ नारायण अगर आदिवासी म फोकस त केदार  संभाल सकत हे पार्टी के कमान

रायपुर । धरमलाल कौशिक के विधानसभा म नेता प्रतिपक्ष बने के बाद खाली होय उंखर कुर्सी बर भारतीय जनता पार्टी म ए दिन म प्रदेशाध्यक्ष के खोज करे जात हे।  पार्टी सूत्र मन के कहिना हे के जल्द ही भाजपा प्रदेश अध्यक्ष के नाम के घोसना कर दे जाही। चयन म अगर छत्तीसगढ़िया कार्ड चलिस त अजय चंद्राकर अउ नारायण चंदेल अध्यक्ष पद के प्रबल दावेदार हो सकत हे। वइसे भाजपा के प्रदेश के कमान उहीं ल मिलही जे ह डॉ सिंह के करीब है।

वइसे त प्रदेश अध्यक्ष पद  बर पार्टी के पहिली पसंद पूर्व मुख्यमंत्री डॉ रमन सिंह ही माने जात हे। उमन ह राष्ट्रीय नेतृत्व के घलोक पहली पंसद हवय। अगर डॉ. रमन खुद ए पद के इच्छा व्यक्त करत हे ते उंखर अध्यक्ष बनना लगभग तय हवय।  लेकिन पार्टी नेतृत्व लोकसभा चुनाव ल धियान रखते हुए आदिवासी मन ल आकर्षित करे म विचार करही त पूर्व  सिक्षा मंत्री केदार कश्यप गलो अध्यक्ष बना सकत हे।  ए दउड़ म पूर्व मंत्री राजेश मूणत के घलो नाम सामिल हे। संगठन के अलावा हाईकमान के करीबी हवय। अइसे कहे जात हे के प्रदेसाध्यक्ष के चेहरा हो सकत हे।

रमन सिंह के पसंद ल महत्व

नेता प्रतिपक्ष के रूप म धरमलाल कौशिक ल चुने जाए के बाद ले ही ए बात साफ होगे के प्रदेस के पदाधिकारी मन के चयन म पूर्व मुख्यमंत्री डॉ. रमन सिंह अपन विसेस दबदबा रखथे। अइसे म जेला भी प्रदेश अध्यक्ष के कुर्सी मिलही। वह डॉक्टर सिंह के करीब ही होही।

आज संझा के दिल्ली जाही भाजपा के सांसद अउ विधायक

भारतीय जनता पार्टी के सबो बड़े नेता विधायक अउ सांसद आज  संझा के 7 बजे के विमान  ले दिल्ली जाही। उहां भारतीय जनता पार्टी के अधिवेशन म हिस्सा हिस्सा लेंही। ए अधिवेशन म पार्टी के पदाधिकारी मन ल कुछु नवां जुम्मेदारी मिल सकत हे। 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.