सर्वश्रेष्ठ कौन होही, फैसला 30 अगस्त के, रंगारंग अवार्ड समारोह ए बार नवा रायपुर म

दीपक बावनकर@रायपुर फिल्मी पत्रिका स्मार्ट सिनेमा लगातार हर साल छत्तीसगढ़ी सिनेमा के सर्वश्रेष्ठ मंन ल सम्मानित करथे, एमा ए बार 34 केटेगरी राखे गे हे । अभी समारोह म शामिल फिलिम मंन ल दर्जन भर निर्णायक मन देखत हे। स्मार्ट सिनेमा के संचालक पी.एल.एन.लकी ह बताइस कि ए बार अवार्ड समारोह के आयोजन नवा रायपुर के सत्य साईं हॉस्पिटल के सभागार म करे जात हे।

अवॉर्ड फंक्शन में दबंग दरोगा, मोर जोड़ीदार, बंधन प्रीत के,आई लव यू, प्रेम के बंधना, सोल्जर छत्तीसगढ़िया, राधे अंगूठा छाप, पढ़ाई में जीरो तभो ले हीरो, भाई बहिनी,फैमिली नंबर वन, प्रेम अमर हे अउ सुंदर मोर छत्तीसगढ़ फिलिम शामिल हे। ये मउका म विभिन्न डांस ग्रुप के कलाकार मन अपन प्रस्तुति दीही। अवॉर्ड फंक्शन दोपहर 1 बजे ले शुरू होके रात 10 बजे तक चलही।