Home ताजा समाचार हमर खबर …..सात साल ले यात्री प्रतीक्षालय म रहइया रमिला  ह अब...

हमर खबर …..सात साल ले यात्री प्रतीक्षालय म रहइया रमिला  ह अब घर म रहही

222
0
महिला बर खुशहाली
समाजसेवी व वरिष्ठ पत्रकार भगतराम वधवा ह आवास निरमान कराके दिस

हमर खबर …..सात साल ले यात्री प्रतीक्षालय म रहइया रमिला  ह अब घर म रहही

महासमुंद । नवां साल 2019 लिमदरहा के एक महिला बर खुशहाली लेके आय हे।  विगत 7 बछर ले यात्री प्रतीक्षालय ल आसियाना बनाके निवास करइया अउ  प्रधानमंत्री आवास योजना ले वंचित 69 वर्षीया आदिवासी रमिला ल समाजसेवी व वरिष्ठ पत्रकार भगतराम वधवा ह आवास निरमान कराके देय के पहल करिस हे।  

श्री वधवा के पहल के संग अन्य सेवाभावी मन ह घलो सहयोग प्रदान करत हे।  वधवा ह एक माह के रासन सामग्री घलो प्रदान करिस हे।  विधायक देवेन्द्र बहादुर सिंह ह 50 किलो चाउर, एक कम्बल अपन प्रतिनिधि के माध्यम ले भिजवाइस, मिलन वस्त्र भण्डार ह साड़ी अउ कम्बल अउ प्रेम सब्जी भण्डार ह सब्जी आदि के सहयोग दिस। पत्रकार आकाश अग्रवाल पिथौरा  ह भवन निरमान म सहयोग स्वरूप पांच हजार रूपए, मनीष विक्की वधवा ह सीमेंट ईंट अउ विकास वधवा ह दैनिक उपयोग के सामग्री  प्रदान करिस।
रमिला/दुखुबाई लिमदरहा म विगत 30 ले जादा बरस ले  अपन पति के संग गांव के ही एक किसान के बरामदा म रहिके जीवन यापन करत रहिन हे। 1993 म पति के मृत्यु के बाद अकेला मेहनत मजदूरी कर के परछी म रहत रहिन। 2011 म कोनो कारन परछी छोड़ गांव के मुख्य मार्ग के तीर यात्री प्रतीक्षालय म निवास करे लगिस।  यात्री प्रतीक्षालय के कुछउ भाग खुला होय के कारन ठण्ड बरसात म जिहां रमिला ल परेसानी के सामना करना पड़य उहें सुरक्षा के दृष्टि  ले घलो  अनुकूल नइए। रमिला के समस्या के जानकारी मिले के बाद सेवाभावी भगतराम वधवा  ह सरपंच शिवप्रसाद ताण्डी ले फोन म  चर्चा कर रमिला ल मकान बनाके देय के  प्रस्ताव रखिस अउ मकान बर जमीन के बेवस्था करे केअनुरोध करिन। जेला शिवप्रसाद ह सहमति प्रदान कर दिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.