अब बीजेपी के बड़ नेता ये विवाद ले अपन पिंड छुड़ाय म लगे हे …

धमतरी। जनपद पंचायत विवाद ह दिन ब दिन बीजेपी के सिरदरद बढ़त जात हे। ये वजह हे के बीजेपी के बड़ नेता खुद ल धीरे-धीरे ये विवाद ले दूर करत हे। जनपद अध्यक्छ साहू के खेलाफ भाजपाइ मन ही अविस्वास प्रस्ताव लाय हे। येखर बाद खुद रंजना ह इस्तीफा के पेसकस कर दीस। उहें कुछु बड़ भाजपाइ मन उपर साजिस के इल्जाम घलो लगइस, जेखर ले जिला म बीजेपी के अच्छा खासा छीछालेदर हो चुके हे। ये वजह हे के अब पार्टी के बड़ नेता ये विवाद ले अपन पिंड छुड़ाय म लगे हे।
जिले के प्रभारी मंत्री रमशीला साहू ह जनपद विवाद के बारे म कोनो जानकारी नइ होय के हवाला देके कुछु प्रतिक्रिया देय ले इनकार कर दिस। बहरहाल, रमशीला साहू के ये पूरा मामला म कहिना हे के जइसे लोगन ल दिखत हे, वइसे कुछु नइए। उमन कहिन के मनगढ़ंत बात गढ़कर पेस करे जात हे। रमशीला साहू के मानन त जब तक उमन ये अविश्वास प्रस्ताव के बारे म पूरी जानकारी नइ मिल जाय तब तक वोह ये मुद्दा म कुछु नइ बोलय।
गउरतलब ह् कि बीते दिन मन म धमतरी जनपद अध्यक्ष के खेलाफ बीजेपी ह अविश्वास प्रस्ताव लाइस हे। येमा कांग्रेस के सदस्य मन ह घलो अपन सहमति जताइस हे।