ए यूनिवर्सिटी के  वाइस चांसलर उपर लगिस गंभीर आरोप… पद ले हटाए के  मांग

राज्य वित्त आयोग के पूर्व अध्यक्ष  ह मय सबूत  करइस एखर खुलासा

रायपुर। छत्तीसगढ़ राज्य वित्त आयोग के पूर्व अध्यक्ष विरेंद्र पांडे ह स्वामी विवेकानंद तकनीकी विश्वविद्यालय कुलपति एमके वर्मा के खेलाफ तमाम दस्तावेज के संग अपन पद के दुरुपयोग करे के आरोप लगाइस हे। संग ही ए गड़बड़ी म राज्यपाल, मुख्यमंत्री अउ तकनीकी सिक्षा मंत्री ले कुलपति ल पद ले हटाए के मांग करे गिस।  उंखर आरोप हे के कुलपति जइसे संवइधानिक पद म रहत हुए  वर्मा ह अपन पद के  दुरुपयोग करे हे।  उमन ल  पद ले हटाना  देना चाही।

विश्वविद्यालय  ले लेवत हे  टूर अउ दूसर खरचा  के रासि

दरअसल कुलपति मुकेश कुमार वर्मा नैक के विजिट म कतको दफा दूसर राज्य म विजिट करथे। उहें ए दउरा के खरचा ले तकनीकी विश्वविद्यालय ले भी अतिरिक्त रुप म लेवत हवय। . नैक के नियम मन म ए साफ लिखे गेहे  के कोनो  भी विजिट, जे नैक के ओर  ले होही त ओखर  सबे टूर अउ  पूरा खरचा ल नैक ही दिही।

छत्तीसगढ़ राज्य वित्त आयोग के पूर्व अध्यक्ष वीरेंद्र पांडे ह दस्तावेज मन के संग खुलासा करिन के डॉक्टर एमके वर्मा ल विजिट  बर कोयंबटूर तमिलनाडु भेजे गे रहिस हे।  ए विजिट बर  नैक ह पूरा भुगतान करे हे।   लेकिन कुलपति वर्मा ह ए टूर के सबो खरता ल विवि ले भी वसूल करिस हे।