कुली मन के आज हड़ताल, ये हवय वजह

रायपुर । रेलवे म ग्रुप डी के पद मन म भरती के मांग ल लेके देश भर के कुली मन 28 फरवरी के हड़ताल करही। छत्तीसगढ़ म भी ये हड़ताल के असर रह ही। आज कुली मन सुबह 8 बजे ल लेके शाम 6 बजे तक काम बंद करके हड़ताल म शामिल रह ही।
राजधानी रायपुर के कुली घलो ये हड़ताल के हिस्सा लिही । कुली मन के कहिना हे कि कुली के काम म अब ज्यादा कमाई होवत नइ हे। अइसन म हमन ल ग्रुप डी म भरती करे जाए। ताकी कुली मन रेलवे कर्मचारी बन सकय। कुली वेंकट राव के कहिना हे कि कम कमाई के चलत परिवार के पेट पालना मुश्किल हवय। अइसे मे अपन परिवार चलाए बर हमन ल ग्रुप डी म सोझे भरती करे जाए।