“घपला-घोटाला ले उजागर हो गे भाजपा सरकार के कार्यप्रनाली”

प्रदेस अध्यक्ष भूपेश बघेल का करिस भाजपा उपर कसीस तंज

रायपुर। कांग्रेस प्रदेस अध्यक्ष भूपेश बघेल ह  आज राजीव भवन म कई मामला म पत्रकार मन ले चरचा करिन। उमन कहिन के प्रदेस म जे घपला-घोटाला होए हे ओखर ले  भाजपा के कार्यप्रनाली साफ होवत हे। उमन कहिन के भाजपा के सरकार छत्तीसगढ़ के मनखे मन के  पहचान मिटाए के काम करत रहिस हे।

राजिम पुन्नी मेला छत्तीसगढ़ के सांस्कृतिक विरासत हे।  कतको सदी ले मनाया जात हे। जेला राजिम कुंभ म परिवर्तन कर देय गिस। भाजपा ह छत्तीसगढ़ के लोक संस्कृति मिटाए के  काम करिस हे। हजारों साल ले जे परंपरा चले आत रहिस हे ओला सहेज के काम कांग्रेस ह करिस हे।  अउ लोगन मन ह  एखर स्वागत करत हे।

एक बडे महत्वपूरन निरनय सीबीआई के मामला म कांग्रेस ह लेय हे। संविधान के अनुसार कोनो भी जांच करे के पहिली राज्य ले अनुमति  लेना जरूरी हवय। कांग्रेस म राज्य सरकार के ए बात के फेर ले प्रतिपादित कर ही।  ये कानूनी हे, सीबीआई ल जांच करना हे त  पहिली राज्य सरकार के अनुमति लेवय। छत्तीसगढ़ के संविधान के अनुरूप ले गे ए निरनय के कांग्रेस स्वागत करत हे।

कैग रिपोर्ट म चउकाने वाले तथ्य आघू आइस हे  सुपर सीएम के सुपर घोटाला उजागर होगे।  एक ही कंप्यूटर ले बड़े पइमाने म ई टेंडरिंग कर के खुलासा होइस हे। एखर हमन जांच करत हन त एला बगलापुर के राजनीति कहे जात हे। ए सबले भाजपा सरकार के कार्यप्रनाली उजागर होइस हे।