रायपुर । छत्तीसगढ के बीजापुर जिला म तेलंगाना ग्रेहाउडस पुलिस व छत्तीसगढ़ पुलिस के मुठभेड़ नक्सली मन ले दो मार्च को हो ए रिहिस हे। ये मुठभेड़ म बस्तर के 9 समेत दस नक्सली मन ले ढेर करे गिस हे। एती ये मुठभेड़ म ग्रेहाउडस के एक जवान घलो शहीद होगे। कम समय म आपरेशन के रणनीति बनात हुए ग्रेहाउडस ह छत्तीसगढ पुलिस के मदद ले माओवादी मन ल मार गिराए म सफलता हासिल करिस हे।
मुठभेड़ के बाद रोज दिन पुलिस ल एक नवा जानकारी मिलत हवय। मौउका म सुरक्षाबल ल तीन लैपटाप मिले हवय। बताए गे हे कि तीन लैपटाप म ले एक लैपटॉप माओवादी मन के तेलंगाना स्टेट कमेटी के सचिव हरिभूषण के हवय। सुरक्षाबल ल उम्मीद हवय कि ये लैपटाप ले पुलिस ल माओवादी मन के बारें म कई अहम जानकारी मिल सकत हे। एखर अलावा बीजापुर इलाका म सक्रिय पापा राव के ये मुठभेड़ म घायल होए के खबर आवत हवय। हालांकि सुरक्षा ले जुड़े आला अधिकारी ये संबंध म कुछ केहे ल इनकार करत हवय। साउथ बस्तर के डीआईजी पी सुदंरराज के बात ल मानन तव मुठभेड़ म पापाराव घायल होइस हवय। ये बात के तस्दीक करे बर दूनों राज्य के सुरक्षा एजेसी खोजबीन म लगे हे। एखर संग जो लैपटॉप मिले हे , ओखर डाटा ल देखे बर साइबर सेल के मदद ले जात हवय।
