जोगी के घर वापसी ल जनता कांग्रेस ह नकारिस

रायपुर। जनता कांग्रेस छत्तीसगढ़ के मुखिया अउ पूर्व मुख्यमंत्री अजीत जोगी के कांग्रेस म शामिल हो के खबर सोशल मीडिया म वायरल होवत हे। जे ला पढ़के जनता कांग्रेस ले जुड़े हजार कार्यकर्ता मन के बेचैनी बढ़ गेहे।
होली के रंग उतरते ही पार्टी के डहर ले एक सन्देश जारी करे गेहे, जेमा अजीत जोगी के कांग्रेस म शामिल होए के खबर ल खंडन करे गेहे। गौरीशंकर पांडे ह आवश्यक सूचना के टैग लगाके संदेश जारी करिस हे। जारी संदेश म ओ ह लिखे हे कि जनता कांग्रेस छतीसगढ़ (जे) लोकसभा क्षेत्र के समस्त पदाधिकारी, कार्यकर्ता मन अउ शुभचिंतक मन ल बताए जात हे कि अजीत जोगी ह कांग्रेस पार्टी म वापसी के ख़बर पूरी तरह ले निराधार तत्थहीन, झूठा अउ बेबुनियाद हवय।
गौरीशंकर पांडे कहिन कि होली के मौका म तरह तरह के ख़बर छप थे। वइसे ही इहू समाचार हवय। जेखर फायदा दूनों राष्ट्रीय पार्टी के लोगन मन उठा के जनता ल गुमराह करके कोशिश करत हवय। ओखर कहिना हे कि जोगी पूरा छतीसगढ़ के नेता रिहिस हे, हवय अउ रहिही। बच्छर 2018 के चुनाव म छतीसगढ़ के जनता जोगी ल ए प्रदेश के मुखिया अउ छतीसगढ़ जनता कांग्रेस (जे) संस्थापक अध्यक्ष के रूप म प्रदेश के बागडोर जोगी के हाथ म सौंपकर मुख्यमंत्री बनाही।