ट्वीट म महंत ह कांग्रेस ल कोंग्रेस लिख दिस…भाजपा ह लेवत हे चुटकी..

रायपुर। जनता कांग्रेस छत्तीसगढ़ अउ बहुजन समाज पार्टी (बसपा) के गठबंधन म जिहां एक ओर कांग्रेस ल तगड़ा झटका लगिस हे उहें विरोधी पार्टी ह येला लेके लेकर कांग्रेस के चुटकी ले नइ चूकीस हे। कहे जा सकत हे के भाजपा, कांग्रेस के जले म खूब नमक छिड़के के काम करत हे।
दरअसल, बसपा-जोगी गठबंधन ल लेके कांग्रेस के वरिष्ठ नेता चरणदास महंत ह ट्वीट करिन, गलती ले ये ट्वीट म महंत ह कांग्रेस ल कोंग्रेस लिख दिस। येमा बीजेपी के प्रवक्ता संजय श्रीवास्तव ह ट्विटर म महंत के चुटकी लीस। संजय ह ट्वीट कर के कहिस के चरणदास महंत जी बसपा-जोगी के गठबंधन के खबर ले सायद दिमाग उपर गहरा असर पड़िस हे, तभे अपन पार्टी के नाम सही ले नइ लिख पावत हे। खैर दरद ए दिल हम समझ सकत हन।
चरणदास महंत के ट्वीट
जोगी जी के चुनाव लड़ना मानो अइसे हे , जइसे भाजपा ह जोगी जी के मुखौटा लगा रखे हे। पहली अपन कोंग्रेस पार्टी के पीठ पीछु धोखा देवत रहिन हे ये बार बारी मायावती जी के हे।