दंतेवाड़ा। नक्सली मन ह विधानसभा चुनाइ के पहिली ही अपन विरोध जताना सुरू कर दिस हे। नक्सली मन ह दू दिन पहिली सुकमा-कोंटा इलाका के जंगल मन म जगह-जगह परचा फेंकिन अउ संगे-संग बइनर घलो टांगिस हे। ये परता मन म कहे गहे के कोनो नेता अगर चुनाइ प्रचार बर आवत हे त ओला जन अदालत म लेके आवव। उहें फइसला होही के ओला प्रचार करे देय जाय या नइ।
परचा म लिखे हे के भाजपा के कोनो नेता अगर गांव आवत हे त ओला मार भगावव। अन्य दल मन के नेता आथे त जन अदालत म बात होही। बस्तर के सुदूर इलाका म नेता वइसे ले प्रचार करे बर नइ जाय। शहर मन अउ कस्बा मन म ही तक चुनाइ प्रचार सीमित होथे। अंदरूनी इलाका मन के ग्रामीन मन तक संदेश भेजे बर साप्ताहिक बाजार मन के सहारा लेय जात हे। चुनाव प्रचार के दउरान नक्सली बहुत ले नेता मन के हत्या कर चुके हे। 2008 के विधान सभा चुनाइ के दउरान दंतेवाड़ा के नकुलनार इलाका म प्रचार करे बर गे भाजपा दू नेता मन के निरमम हत्या कर दिस हे। ये तरह के अउ घटना मन आघू आ चुके हे।
Other Articles
No Comment! Be the first one.