रायपुर। राजधानी के न्यू राजेन्द्र नगर स्थित अमलीडीह म नकली नोट छापे के खुलासा होइस हे । पुलिस ह छापा मारके इहां ल 5 करोड़ के 2000-2000 रूपिया के नकली नोट मन के संग दू लोगन ल गेरफ्तार करिन। आरोपी बड़े-बड़े कंपनी मन ल सीएसआर मद ले करोड़ों रूपिया के डोनेशन उँखर एनजीओ ल मिले के बात बताके लोगन ल झांसा म लेवत रहिस हे।
पुलिस ह छापा के दउरान आरोपी मन ले 5 करोड़ रूपिया के नकली नोट समेत कुछु प्रिंटेड शीट व कलर प्रिंटर, लैपटॉप, 2 मोबाइल, 1 कार व नगद 25 हजार रूपिया के असली नोट जब्त करिस हे।
पुलिस ले मिले जानकारी के मुताबिक दूनों आरोपी निखिल कुमार सिंह अउ पूनम अग्रवाल काफी दिन ले रायपुर के अमलीडीह म एक फ्लैट किराया म लेके नकली नोट छापे के कारोबार करत रहिस हे।
दूनों कई बड़े मल्टीनेशन कंपनी मन ल अपन झांसा म लेके सीएसआर के राशि हड़पत रहिन हे। अब तक तीन कंपनी मन ले 65 लाख ऐंठ चुके हे। दूनों आरोपी मल्टीनेशन कंपनी मन ले संपर्क कर सीएसआर मद ले काम कराय के झांसा म लेवत रहिन हे।
इमन ह बड़े-बड़े कंपनी मन के सीएसआर के रूप म खर्च करे जाए रासि दिलाए के लोगन ल झांसा देवत रहिन हे। सीएसआर के रासि इनकम टैक्स एक्ट के धारा 80सी व 12ए के तहत् रजिस्टर्ड एनजीओ ल दिलाए के बात करत रहिस हे।
