ये हाल हे आधुनिक सिक्षा परनाली ……नवोदय स्कूल के फार्म म मैरिटल स्टेटस बताना अनिवार्य हे

पेंड्रा । जावहर नवोदय स्कूल म दाखिला ले के पहिली बताय बर पड़थे  के  वो सादीसुदा हे के नइ। अगर लइका ह नइ बताही त फाम ब रिजेक्ट हो जाही।  ये हाल हे आधुनिक सिक्षा परनाली के।

दरअसल जवाहर नवोदय विद्यालय के एक ऑनलाइन फॉर्म म अजीबोगरीब सवाल पूछे गेहे। एखर ले बवाल मचा हे। काब र के  पांचवी कक्षा के छात्र मन ले  ऑनलाइन फॉर्म दाखिल करे  के दउरान पूछे गेहे के  वो  द सादीसुदा हे के नइ, सादीसुदा  नइ होय के स्थिति म फॉर्म म मैरिटल स्टेटस डालना अनिवार्य हे। ए जानकारी के अभाव म फॉर्म निरस्त करे के भी जिक्र करे गेहे।

फॉर्म म पूछे गे ए अजीबोगरीब सवाल ल छात्र परेसान होवत हे। संगे-संग सिक्षा परनाली के कार्यसइली म घलोक सवालिया निसान खड़ा हो गेहे हे, सवाल ए के  फॉर्म ल कोन तइयार करिस हे।  जे ह रासन कारड  अउ पांचवी कक्षा के फार्म म अंतर मालूम नइ हे।  अगर ये चूक हे त देखना लाजिमी होही के प्रसासन एला कतना गंभीरता से लेवत हे।