सर्द हवा मन ले कंपकंपी बढ़िस
रायपुर। राजधानी रायपुर समेत पूरा प्रदेस म एक बार फेर मउसम ह करवट लीस हे। राज्य के कई हिस्सा म सर्द हवा ले ठिठुरन बढ़ गेहे। 14 जनवरी के राजधानी रायपुर के न्यूनतम तापमान 16.6 डिग्री रहिस हे, लेकिन 2 दिन के अंदर न्यूनतम तापमान म लगभग 4 डिग्री के गिरावट आइस हे।
नवां साल के संग ही पूरा प्रदेस म ठंड के असर कुछउ हद तक कम होय रहिस हे। लेकिन उत्तर भारत म होय बर्फबारी अउ ठंडी हवा मन के असर अब मध्य भारत म घलो देखे बर मिलत हे। एक बार फेर ले सीत लहर ह प्रदेल म दस्तक दीस हे। जेखर वजह ले लोगन ल एक बार फेर ले कड़ी ठंड के सामना करना पड़त हवय।
मउसम विभाग के अनुसार राजधानी रायपुर म न्यूनतम तापमान 12.6 डिग्री हे। प्रदेस म सबले कम न्यूनतम तापमान अंबिकापुर म 5 डिग्री दर्ज करे गिस हे। ए स्थिति लगभग 24 घंट तक बने रहही। एखर बाद तापमान फेर बढ़े लगही।
Other Articles
Next
January 17, 2019
भूपेश सरकार ह 30 दिन म लिस ए 15 बड़ फइसला …. विपक्ष ह साधिस निसाना
Previews
January 17, 2019
किसान मन के आर्थिक स्थिति सुधार बर विचार-विमर्स करत हे वैज्ञानिक मन
No Comment! Be the first one.