बीजेपी ह कांग्रेस उपर साधिस निसाना….सीएम बघेल आइश आघू ….पीएम ले मुलाकात म भूपेश के अइसे रहिस रिएक्सन

रायपुर । आयुष्मान योजना बंद करे के तइयारी म हे कांग्रेस सरकार, ए आरोप लगात हुए बीजेपी ह कांग्रेस उपर निशाना साधिस। ए आरोप के बाद कांग्रेस सरकार के तरफ ले बचाव बर  खुद सीएम भूपेश बघेल आघू आइन। सीएम भूपेश बघेल ह कहिन के स्वास्थ्य मंत्री टीएस सिंहदेव एखर परीक्षन करत हे। उहें  ए संबंध म सराकार घलो चरचा करत हवय। चरचा के बाद ही कोनो हल निकलही।

नक्सल मामला म  बने हे कमेटी

सीएम भूपेश बघेल ह बताइन के कमेटी सब मामला मन म सुनवाई करही। अउ गुण, दोष के आधार म जे सजेसन हमन ला देही ओमा  निरनय ले जाही।

पीएम ले मुलाकात म घलोक बोलिस सीएम

प्रधानमंत्री ले मुलाकात के बाद मुख्यमंत्री भूपेश बघेल ह कहिन के छत्तीसगढ़ म सरकार बने के बाद पहली बार प्रधानमंत्री नरेंद्र मोदी ले मुलाकात होइस हे।  ए मुलाकात बड़ गर्मजोसी ले  होइस अउ प्रधानमंत्री  ह बधाई दीन।