बड़े पद काबर दे गिस  कल्लूरी ल ? ….. त का  जवाब  दिस भूपेश ह

रायपुर। शुक्रवार के मुख्यमंत्री भूपेश बघेल ले जब सवाल करे गिस के कांग्रेस ह विपक्ष म रहत हुए एसआरपी कल्लूरी उपर मनमानी अउ तमाम आरोप लगात रहिन, अइसे म उमन ल बड़े पद काबर दे दिस?  त एमा बघेल ह स्पष्ट करिन के हाँ, उंखर उपर तमाम आरोप लगाए के बाद घलोक नई जिमेदारी दे गिस। काबर के हमन ल अफसर मन ले काम  लेना हवय। एखर सेती डीएम अवस्थी ल प्रदेस के नवां पुलिस महानिदेशक (डीजीपी) नियुक्त करे गिस अउ कल्लूरी ल एंटी करप्शन ब्यूरो अउ ईओडब्लू के महानिरीक्षक (आईजी) बनाय गिस। अइसन बेवस्था एखर सेती करे गेहे ताकि कल्लूरी अपन गतिविधि मन के रिपोर्ट डीएम अवस्थी  ल देवत  रहय अउ बढ़िया काम करे जा सकय।