भाजपा अध्यक्ष कौशिक ह सीएम रमन ल दीन बधाई

रायपुर । भाजपा प्रदेशाध्यक्ष धरमलाल कौशिक ह प्रधानमंत्री आवास योजना के तहत पूरा देश म छत्तीसगढ़ के प्रथम स्थान आए म मुख्यमंत्री डॉ. रमन सिंह ल बधाई दीस हे। उमन कहिन कि बरस 2022 तक सब बर आवास के प्राथमिकता के दिशा म ये सम्मान ह मील के पत्थर साबित होही। आगे कहिन कि प्रधानमंत्री नरेन्द्र मोदी ये देश म आवास क्रांति के माध्यम ले अन्त्योदय के स्थापना म अग्रणी योगदान देवत हे।
मुख्यमंत्री ह छत्तीसगढ़ के समग्र विकास बर संकल्पित हे प्रधानमंत्री आवास योजना के सफलता ले स्पष्ट होवत हे कि हम हर परिवार ल घर देय के लगातार कार्य करत हन । कौशिक ह कहिन कि ये सम्मान ले छत्तीसगढ़ ल देश म एक अलग पहचान आवास क्रांति ले मिलही। धमतरी जिला ल ये अभियान म पूरा देश म प्रथम स्थान मिले हे। ये योजना ल लागू करे बर प्रदेश के मंत्री अजय चंद्राकर अउ मंत्री राजेश मूणत बधाई के पात्र हे।