मुंगेली…..लोगन  के सपना ले खेलत हे कालोनाइजर

नवनीत शुक्ला

मुंगेली। जिला म कुकुरमुता जइसे अवैध कालोनी खड़ा होवत जात हे। जेखर सेती  घर बनवइया मन  सपना ह टूटत जात हे। सोचे के बात हे के  एखर बर कउन जुम्मेदार हे…. का दोषी मन उपर कभु कसाही सरकारी शिकंजा या जरूरतमंद मन ल ही अपन सपना ले  करना पड़ही समझौता … ए यक्ष प्रश्न के उत्तर कउन दिहीं ?

राजस्व विभाग ह नियमानुसार कालोनाइजर मन ल कुछउ दिसा निदेस देय हे।  लेकिन मुंगेली जिला के कालोनाइजर विभाग के सबो नियम मन ल ताक म रख के  शासन ले ठेंगा दिखाए म कोनो कमी नइ करे हे।  जिला म नवां कालोनी निरमान के  सैलाब बहत दिखाई देवत हे।

कालोनाइजर  मन के हउसला  अतना बुलंद हे के अपन मुताबिक जमीनी काटत हे अउ घर के निरमान  करावत हे। अउ तो अउ सरकारी जमीन मन उपर हाथ फेरे ले बाज नइ आत हे। एखर वजह से राजस्न विभाग द्वारा कोनो धियान न देना। जबके नगर  अउ एखर आसपास के क्षेत्र मन म  हर तरफ प्लाट काट के बेचे वाले बोर्ड आसानी ले कोनो देख सकत हे।   प्रशासन ल ए नजर नइ आत हे। नियमानुसार तो प्लाट काटे के  पहिली बिजली, पानी, सड़क आदि मूलभूत सुविधा मन ल उपलब्ध करना चाही। लेकिन मूलभूत सुविधा के बिना प्लाट काट के बेचे जात है।